4 tot 6 porsies
- bietjie olie
- 500 g of 8 kaasvarkworsies
- 2,5 ml (½ t) droë gemengde kruie
- knypie droë roosmaryn
DEEG
- 375 ml (1½ k) koekmeel
- 5 ml (1 t) bakpoeier
- 3 ml sout
- knypie swartpeper
- 3 ekstragroot eiers
- 60 ml (4 e) olie
- 375 ml (1½ k) volroommelk
- 187 ml (¾ k) water
Voorverhit oond tot 180 °C en smeer ’n oondbak van 28 cm x 18 cm.
- Verhit ’n bietjie olie en braai die varkworsies tot gaar. Voeg die kruie by net voordat die varkworsies amper gaar is en braai nog 2 minute.
- Skep die gaar varkworsies in die voorbereide oondbak.
- DEEG: Meng die koekmeel, bakpoeier, sout en swartpeper in ’n mengbak.
- Klits die eiers tot gemeng, voeg die olie, melk en water by en roer weer tot gemeng.
- Voeg die melkmengsel bietjies op ’n slag by die meelmengsel. Roer sodat dit gladde beslag vorm.
- Giet die beslag oor die varkworsies in die oondbak. Bak vir 40 minute of tot ligbruin bo-op.
- Sit louwarm saam met slaai voor.
Uit: Beste uit Vrouekeur: 50 gesinsresepte Nr.3, Marlo Kitshoff-Carstens (2015), LAPA Uitgewers